今早到JR駅吃早餐，Mermaid Café的食物相當不錯，環境亦舒適。
早餐後乘坐08:10-09:34近鐵列車到宇治山田，近鐵的班次並不準確，遲了五分鐘才開車，到著時間亦遲了十分。
宇治山田駅很大，但人不多，顯得有點冷清。沒打算到外宮遊覽，就在駅前直乘巴士到內宮，車程祗需十多分鐘，持近鐵五日廣域周遊券可免費乘搭。
其實買這個周遊券主要就在這天使用，餘下四天行程都不在使用範圍，即使如此，連來回空港特急車票及巴士在內，就已節省了二人車費共4,920日圓，相當划算。
到達內宮入口已出現人潮，想拍張到此一遊無人照全沒可能，明天不知有何盛事，內宮到處進行粉飾工程，又有攝製隊在拍攝。
五十鈴川河水非常清澈，景色優美，園內古木杉天，感覺心境平和。
來參拜的善信川流不息，在圍欄隙縫可窺見內宮及遷宮預設之地。 
我們用腳架拍照玩了好些會兒，一時許饑腸轆轆才到買物橫町找吃。
橫町人頭湧湧，走到人家遊記提過的すし久，決定午餐就在這裏，登記後將鞋放好，便跟隨侍應上二樓。原來二樓滿是人客，全都坐到榻榻米上，坐位有點擠迫，我倆都有膝痛，不想盤膝而坐，結果被安排到另一邊倘大的個室，好舒服耶！ 
伊勢海老個子不大，但很鮮甜；鰹魚套餐十分豐富，米飯很好吃，單點的梅酒非常甘香，飯後在商店街看到有售，立即買一瓶回家。
綠茶雪糕不夠滑，松阪牛串沒有肉香，油膩又韌，價錢超貴，是全程最劣食品！
接近四時天色漸黑，風很大，天氣很冷，不想到夫婦岩吹風，還是乘巴士到鳥羽駅，早點回名古屋為上策。
鳥羽駅鄰近海旁，景色不錯，但靜得有點淒涼！
在月台候車期間，旅伴買了個飛驒牛肉包，吃了一半，將餘下一半包得好好的遞給我，那時我剛好站在垃圾桶附近，以為他想我將膠袋棄掉，順手便扔到桶裏，旅伴問我為何不吃，這時才知自已擺烏龍，二人在月台笑爆！
飯後散步於明月映照之下，心裏滿足得很。
在酒店附近便利店，買到最喜愛的超大粒蘆薈乳酪，伴著富有柿吃，好美味啊！
11 則留言:
唔知我幾時至去到伊勢神宮呢？哈哈！
師姐未去過伊勢神宮架咩？
等遷宮果時去睇祭典啦~~
謝謝網主~
外宮唔值得行咩？
我見到話搭的士去內宮才六百多 yen，兩個人搭仲平過搭巴士，我張係 jr pass 呀~
jr 好似車程長啲啲
鳥羽你地係到一到咁囉？
好多相，最深刻竟然係。。。。Katherine Hamnett隻錶，富貴呀你
ps:原來係酒鬼
大頭：
看人家遊記，外宮冇乜特別，留多d時間行內宮同夫婦岩好過，要記住好早天黑架。
宇治山田駅坐巴士去內宮要成廿分鐘，照計的士冇咁平喎，查清楚先啦~
我地淨係响鳥羽駅搭車咋，不過真係好靜、好大風、好凍呀~~
naruto：
富你個頭，n年前七折買架，有幾貴吖，戴左咁多年，乜都抵啦~
更正：我係人，唔係鬼~~
條橋本來係石屎橋，我四月去那次，見到佢地拆咗道石橋，起緊一道新ge，唔知係咪慶祝新橋落成呢?
好想食鰻魚飯呀)))))))))
嘩~~呢日行程好充實又好精彩呀~~搞到我好想出發呀，真係要努力搵錢兼儲錢呀~~~
劉鄧：
宣傳單張寫"宇治橋渡始式"，係咪新橋開通儀式呀？
我覺得鰻魚飯都係宮島至好吃~
薯嘜：
我地行得太慢，玩影相又玩得太耐，買物橫町都未行晒呀~
錢，你有嘅，快d出發啦~~^^
我見人地遊記係咁寫，話外宮出面啲的士貼晒價錢出嚟招徠客人。到時睇下點喇~
唔，或者我都會行一行外宮，一場嚟到吖嘛~
我估係啩~
大頭：如果有咁平的士梗係搭啦~
劉鄧：唔該~
張貼留言